الخازوق المزدوج
ملحوظة هامة
( انا مش بقول كده لأنى كنت من المؤيدين لحمدين لأ بما انى مواطن عاوز مصلحة البلد اللى انا عايش فيها )
هى الثورة قامت ليه طبعآ ماقمتش عشان احمد شفيق بس قامت عشان نظام فاسد و...و.....و...و..و.... الخ الى آخره
المهم
قامت الثورة ونجحت وحكمونا العسكر وطلعوا عين ابونا عملو لنا مجلس الشعب والناس اختارت الاخوان وكملو علينا ببرودهم و..و...و..و..الخ
وعدى الوقت وعلى رأى ايهاب توفيق وعدى الليل على مهله على مهله
و جت انتخابات الرئاسه وقلنا ربنا كريم كل واحد فينا اختار مرشح قلنا لازم يكون من الثورة اللى اختار ابو الفتوح والى اختار حمدين واللى قال خالد على وطبعآ المعهود من الاخوان رفعو شعار ( خدونى معاكو با حاخرق نفسى ) دخلو الانتخابات وصرفو مبالغ الله اعلم ايه مصدرها وحشدوا الناس ذوق عافيه و بصرف النظر عن مصاريف حملة ابو الفتوح اللى ماحدش عارف مصدرها انتخبنا وقاعدين نشوف النتيجة اتارينا قاعدين على خازوق
مزدوج يعنى براسين يعنى ربنا ما يوريك احساس الوجع بتاعه
الرأس الاولى : محمد مرسى
كلنا شفنا الاخوان كانو يا قاتل يا مقتول والحمد لله طلعو منها زى ما أتعودو هما كويسين والخسائر من الشعب
شفنا منهم فى الاول تقطيع البوسترات التانيه بتاعة حمدين وابو الفتوح والعوا وقعدو يشتمو فى شفيق على انه عيل عبيط بيلعب فى الطينه ويقولو مش حايعمل حاجة
اتبعوا اسلوب الدعايا الرخيص يوزعو ع الناس مواد غذائية ويأجرو اتوبيسات ويلمو النسوان عشان تنتخبهم
منتهى الوساخة ولمو الاصوات عافيه واحنا اللى لبسنا الخازوق فتتو الاصوات
الرأس الثانية : احمد شفيق
طبعآ مش محتاج اقول لأى حد مين احمد شفيق ولا حاتكلم عن اى حاجة كلنا عارفينه وعارفين اعضاء الحزب الوطنى اللى دعموه ولموله الاصوات
اللى مجننى
لسه فيه ناس بتتجر زى البهايم يمشوا ورا اللى ماسكلها حزمة برسيم وبعد كل ده يقولك اعادة
طب ارد بأيه اقول ما انيل من سيدى الا ستى
طب اقوله لن مع الاخوان اللى مش عاملين لنا حاجة وهمهم نفسهم ضد الفلول ابقى عبيط
طب اقولهم انا مع شفيق اللى قال لو طلعت مظاهرة عليه انا حانزل الجيش يفضيها يعنى (قذافى plus) ابقى رجعت حسنى تانى
طب اقولهم مقاطع الانتخابات ابقى ماليش لازمة ( بلاص )
يالا المهم
حسبى الله ونعم الوكيل
